GAIA ესთეტიკური მედიცინის სფეროში მაღალი სტანდარტების შესაქმნელად

საქართველოში ესთეტიკური მედიცინის და სილამაზის ინდუსტრია სწრაფი ტემპებით ვითარდება. ყოველდღიურად იზრდება მოთხოვნა ესთეტიკურ პროცედურებზე, კანის მოვლაზე და ახალგაზრდობის შენარჩუნების მეთოდებზე. თუმცა, ამ ზრდასთან ერთად გაჩნდა საჭიროება, რომ სფერო უფრო კვალიფიციური, უსაფრთხო და პაციენტზე ორიენტირებული გახდეს. სწორედ ამ მიზნით შეიქმნა საქართველოს ესთეტიკის ასოციაცია – GAIA, რათა ხელი შევუწყოთ ამ დარგის გაჯანსაღებას და კიდევ უფრო მეტად განვითარებას.

რა არის ჩვენი მიზანი?

ჩვენი მთავარი მიზანია საქართველოში ესთეტიკური მედიცინის სფეროს შესახებ ცნობიერების ამაღლება. გვსურს, რომ ყველა პროცედურა ჩატარდეს მაღალი სტანდარტებით, კვალიფიციური სპეციალისტების მიერ და რაც ასევე ძალიან მნიშვნელოვანია უსაფრთხო საინექციო პრეპარატებისა და კოსმეტიკური საშუალებების გამოყენებით. თითოეული პაციენტი ნებისმიერი პროცედურის ჩატარებისას დარწმუნებული უნდა იყოს, რომ მისი ჯანმრთელობა და უსაფრთხოება პირველ ადგილზეა.

GAIA აერთიანებს ესთეტიკური მედიცინის დარგში მოღვაწე გამოცდილ სპეციალისტებს, ასევე ისეთი მომიჯნავე სფეროების ექიმებს, როგორიცაა: დერმატოლოგები, ალერგოლოგები და პლასტიკური ქირურგები. კვალიფიციური გუნდი, რომლის შემადგენლობაში შედიან: ასოციაციის დამფუძნებლები, საბჭოს წევრები და საპატიო წევრები მუშაობს იმაზე, რომ სფერო გახდეს უფრო გამჭვირვალე, კვალიფიციური და პაციენტებისთვის სანდო.

რატომ არის ეს მნიშვნელოვანი?

ესთეტიკური პროცედურები და ინოვაციური ესთეტიკური ტექნოლოგიები დღეს უფრო ხელმისაწვდომია, ვიდრე ოდესმე. თუმცა, ამასთან ერთად იზრდება რისკები, რომლებიც დაკავშირებულია არაკვალიფიციური სპეციალისტების მუშაობასთან ან არასათანადო მედიკამენტების გამოყენებასთან. ჩვენი ასოციაცია მიზნად ისახავს ამ რისკების მინიმიზაციას და პაციენტებისთვის უსაფრთხო გარემოს უზრუნველყოფას.

რას გთავაზობთ?

GAIA სპეციალისტებისთვის ქმნის სივრცეს, სადაც ისინი შეძლებენ ერთმანეთს გაუზიარონ საკუთარი გამოცდილება, გაეცნონ მსოფლიოში დანერგილ უახლეს პროტოკოლებს და გაიღრმაონ ცოდნა. ჩვენი მიზანია, რომ ასოციაციის ყველა წევრს ჰქონდეს წვდომა ინოვაციურ ესთეტიკურ ტექნოლოგიებზე და მიეცეს შესაძლებლობა იმუშაოს მაღალი სტანდარტების შესაბამისად.

რატომ უნდა გახდეთ ჩვენი ასოციაციის წევრი?თუ თქვენ ხართ ესთეტიკური მედიცინის სპეციალისტი და გსურთ, რომ თქვენმა პროფესიულმა განვითარებამ მიაღწიოს ახალ საფეხურს, Gaia გთავაზობთ:

●      გაეცნოთ დარგში არსებულ სიახლეებს

●      გაუზიაროთ თქვენი გამოცდილება სხვა სპეციალისტებს

●      გაეცნოთ ინოვაციურ ესთეტიკურ ტექნოლოგიებს

●      იმუშაოთ პაციენტებისთვის უსაფრთხო და ეფექტური მეთოდების დანერგვაზე

შემოგვიერთდით, ერთად გავხადოთ ესთეტიკური მედიცინის სფერო კიდევ უფრო სანდო და წარმატებული.